A Jahr is bald um
Im Jänner is` finster, im Februar kalt,
im März kann ma hoffen: April ham ma bald!
Im Mai denkt ma fröstelnd: wann Juni scho wär!
Im Juli träumt ma vom August drunt am Meer.
Im September is` warm. Doch ma fragt sich: wia lang?
Im Oktober is a`m vuan November scho bang.
So jagt ma si selber, ma hofft und ma strebt,
und fragt im Dezember: wann hab i denn g`lebt?
Wer „Nütze den Tag!“ gsagt hat, war gar net dumm.
Ma solltert dran denken. A Jahr is bald um.
Trude Marzik